林雅詩後悔企跳：唔再做傻事

38歲藝人林雅詩近年與老公溫文英因離婚一事對簿公堂，前日她突然在社交網自爆被趕出家門兼想跳樓，同時有讀者聲稱目睹她危坐窗邊，被老公拉扯發生爭執，事後更一度失聯。

飽受負面情緒影響的Grace，昨午終現身九龍區一個商場，面容憔悴的她漫無目的四圍逛，表現得憂心忡忡，經過文具店時，她突放慢腳步入內選購，逗留約半小時再轉到童裝店，但空手而回，似乎想為囝囝置裝及添新文具迎接新年。及後見Grace會合緋聞男友兼經理人馬天樂飲咖啡訴苦，期間一直眉頭深鎖，過了約一小時便到停車場取車。

「聽到侮辱性說話」

取車期間，記者上前問Grace自爆想跳樓一事，她說：「尋日（前日）情緒有啲難控制，喺Facebook講咗啲嘢，令大家擔心。（有跳樓念頭？）係……因為嗰刻我返到屋企同我先生商量緊個仔嘅安排。（有讀者話你危坐窗邊畀老公拉住！）係有件咁嘅事。」

林雅詩向經理人馬天樂訴苦，眉頭深鎖。	馬天樂	林雅詩返武館練鼓。

問到Grace為何如此激動？她即爆喊表示當時聽到侮辱說話：「我一直好努力做好媽媽呢個角色，佢說話好侮辱我，我唔想個仔唔開心，我想釋放出嚟，所以做咗少少激動嘅嘢。（朋友擔心你！）好多朋友都支持我，但女人面對嗰個問題，我覺得好辛苦。係人都知我好錫囝囝，我好努力搵錢，唔靠男人。事後我都諗番成件事係鹵莽同衝動，我承諾唔會再做傻事，唔再令大家擔心。」

想搬返娘家暫住

Grace坦言不考慮搬走，但鑑於媽媽及囝囝擔心，可能會暫時與媽媽小住幾天。事後見她返武館練習打拳及打鼓，繼續努力工作，希望不被負面情緒困擾。

文：專案組