大膽羅仲謙背妻偷食！

藝人羅仲謙和內地女星朱銳於網劇《無間道》中激烈床戲相當吸睛，謙謙半裸露兩點肉搏朱銳，意識大膽，而朱銳則用床單包住重要部位，兩人更咀得非常肉緊。但原來謙謙未有就此事向老婆楊怡備案，身在內地開工的他被問可擔心楊怡嬲嬲豬？他說：「阿怡點會嬲呀？以我太太嘅資歷，加上大家都係做呢行會明白。（露兩點大犧牲？）之前拍好多電影、電視劇都有露過，男仔OK嘅！（面對朱銳可會尷尬？）唔係話尷尬，反而有啲陌生，因為拍呢場戲係第一日見面開工就拍！」
謙謙與朱銳埋身肉搏，更咀到嘴都歪埋。
謙謙與朱銳埋身肉搏，更咀到嘴都歪埋。

被楊怡「體罰」

身在上海演出舞台劇《我和春天有個約會》的楊怡則與老公打情罵俏，「罰」老公戴金剛箍，在微博貼相留言：「你呢隻馬騮仔太頑皮，賜你一個金剛箍，罰你冇得食麻辣火鍋！」29歲的朱銳素有男神收割器之稱，2004年畢業於北京電影學院，趙薇、陳坤和黃曉明是其學長，她於2013年憑內地劇《辣媽正傳》爆紅，今次在《無間道》中演心理醫生，與謙謙有不少內心戲和一場大膽床戲，令網民紛紛為楊怡擔心。其實新婚的羅氏夫婦相當甜蜜，謙謙更親到楊怡演舞台劇的地方探班兼打氣，難怪楊怡咁放心！

羅仲謙、朱銳
  • 羅仲謙、朱銳
謙謙唔係第一次……露肌肉啫！
  • 謙謙唔係第一次……露肌肉啫！
左起：朱慧敏、羅仲謙、梁琤、楊怡、麥景婷、呂頌賢<br>楊怡有羅仲謙人肉速遞探班，同大班好友合照。
  • 左起：朱慧敏、羅仲謙、梁琤、楊怡、麥景婷、呂頌賢
    楊怡有羅仲謙人肉速遞探班，同大班好友合照。
謙謙被罰戴金剛箍。
  • 謙謙被罰戴金剛箍。