嘉穎被帶署調查黃百鳴派人營救
鄭嘉穎昨日在澳門為新片《九龍不敗》拍攝時，因事前未有申請便進入澳門保安部隊事務局，結果被當局發現，遭司警將他與現場的劇組人員帶返新口岸的治安警察情報科協助調查。而嘉穎為免嚇親女友陳凱琳，已第一時間報平安！
藝員鄭嘉穎在新片《九龍不敗》飾演澳門司警，昨日以一身便衣探員造型於澳門保安部隊事務局取景。據知，今次外景拍攝工作事前未有向澳門司警當局申請，事後被發現，因解釋無效而被司警帶返新口岸的治安警察情報科協助調查。而該片演員陣容還包括劉心悠及張晉等，有指昨日的外景部分只有嘉穎在場，同時導演陳果與助手、監製錢小蕙及攝影師，亦被帶走協助調查。
陳凱琳收電話報平安
身為嘉穎女友的陳凱琳（Grace）原來已第一時間收到男友通知，正忙拍新劇《平安谷．逐個捉》的Grace，受訪時說：「我知道嘅同大家一樣，下午拍緊外景時知嘅，當時收到嘉穎電話，同我講發生咗咁嘅事，叫我唔使擔心，相信劇組會處理好件事，亦希望今晚可以返到香港，相信有特別情況會再打電話同我講。（擔心嘉穎惹麻煩？）會睇定啲，相信會好合作咁協助調查，好好處理件事，依家唯一可以做嘅係等佢消息，等佢再打電話嚟。（會去接佢？）一步步嚟，睇吓點先。」
至於電影公司老闆黃百鳴亦已收到劇組消息，他說：「拍攝嘉穎喺澳門保安部隊事務局外嘅戲份，冇申請到批文，而導演陳果實在太投入，叫咗嘉穎入去門口再行出嚟，有關方面見到就要求協助調查，演員係好被動嘅，相信嘉穎都會好快冇事出番嚟，導演陳果就可能要多一段時間了解吓先！」至於有份被帶走協助調查的監製錢小蕙，接受電話訪問時正忙於處理事件，她說：「我帶緊啲臨時演員去講番清楚啲來龍去脈，冇乜嘢嘅，等我搞埋先啦！」她之後續稱事件是昨午拍攝時發生，已交由律師處理。
文：影視組