陸永催楊明造人:就今晚啦!

藝人楊明、陸永、高海寧及張嘉兒等昨日為無綫新劇《抱佣情人》試造型,楊明與陸永在劇中飾演孖生兄弟,二人被指似樣,陸永即笑言替對方難過!楊明與莊思明拍拖後順風順水,今次更擔正做男一,不過暫未有意結婚,陸永就催對方先「造人」,他以過來人身份笑說:「我咪意外出嚟o架囉!小朋友可以令你定性嘅,今晚返去造人啦!」楊明尷尬回應:「盡量喇!」

張嘉兒餵奶斷片

劇中女主角高海寧則自爆與楊明有閨房戲,而明天生日,她會相約一班女仔開Party,至於緋聞男友鄧智偉可有表示?她說:「都未到生日。(想要驚喜?)留番啲Suprise畀我啦!(默認一齊?)唔係,都未收到表示!」而產後首次拍劇的張嘉兒收身成績不俗,她說囡囡已經四個月大,以全人奶餵BB,更笑指人生首次斷片是餵奶所致:「第一個月攰啲,餵完奶就畀老公湊,我即刻瞓咗,第一次斷片唔記得咗有畀BB老公!」

文:影視組