港姐出身的藝人徐子珊（Kate）近年專注珠寶設計，除上堂學習外，早前喺網上開咗自己嘅舖頭，由演員搖身一變成為珠寶設計師，真係多才多藝！Kate不時會喺社交網站上同網民分享動向。早前佢透過instagram上載親手整戒指嘅片段，片中見她超級認真地製作，不少網民大讚佢專業，還指學到不少東西。
Kate在instagram上載了四個片段，第一步驟係「雕刻」，見她很認真地用錘仔揼，細心到每揼一下都會望吓個位置是否準確，絕對認真同專業！第二個步驟係「鍛燒」，佢出動火槍噴來噴去，雖然未見有太大危險，但過程都表現得好小心。第三步驟係「切割」，Kate表示呢個步驟係最難整得完美，幸好有人出手協助令佢順利完成，Kate仲好用心慢慢鋸，盡力做到最好，好多網民都叫佢小心唔好整親，大家都非常錫住佢！最後一步係「fit size」，Kate揼完又試、試完又揼，希望令戒指變成自己最完美嘅perfect ring，總之佢就好全神貫注咁製作，最後個製成品出嚟，兩隻戒指都似模似樣，難怪網民都大讚佢可以做出色嘅設計師！而Kate都話整完好有滿足感。Kate親身示範的短片，上載一星期已經有超過二萬人觀看，不少網民都話要睇實佢個社交網等學嘢。