湯怡遊日食到肚脹

歌手洪卓立(Ken)與女友湯怡近日飛往北海道旅行,出發前湯怡上載了兩年前到當地旅行狂食下的「巨腩」相,今次是否又食到「凸腩」?湯怡默認說:「一日食足三餐,未餓已經食下餐,加上鍾意食甜品,依家都肚脹脹。」隨即踢爆男友在雪地上跣低,她說:「佢對雪鞋唔啱着,行幾步就跣一跣,我拍低咗佢啲醜態!」

由於屢傳兩人好事近,Ken此行會否求婚?他說:「如果求婚一定冇人知,直到結婚大家先知。」近月兩人先後到歐洲及日本旅行,Ken透露寓工作於娛樂:「我遲啲會開個個人網上頻道,到時會放啲旅行同生活短片上去。」