林夏薇奇招倒奶贏咪神高Ling

前晚「香港皮草設計比賽2017」隆重舉行，大會邀得一班名人明星盛裝出席，包括藝人龔嘉欣、莊思敏、名媛何倍倩及無綫娛樂主播李漫芬等。眾女都性感低胸現身，施展渾身解數競艷，不過要數最激莫過於人妻林夏薇，她以一襲黑色喱士連身褲現身，側面透視至臀部，極盡誘惑。但原來好戲在後頭，由於身上貼紙脫落，林夏薇便一個俯身執拾，豐滿上圍「胸湧」倒現，搶盡「峰」頭。

紮胸怕變形

林夏薇被問到衣着非常性感，她表示最重要服飾適合自己和漂亮。談到早前她在網上大晒性感三點式泳照，問到老公可有稱讚其好身材？她笑說：「可能佢冇發現。（吓？）我意思係我哋唔講呢啲，而且我都唔覺自己好身材。（咁老公最鍾意你乜嘢？ ）佢話我笑得好開心，覺得我笑容畀佢好大動力！」她澄清自己不是走性感路線，就算網上晒泳照也是健康性感。談到造人大計？她指現時調理身體中，一切隨緣。

身穿黑色喱士連身褲的林夏薇透視至臀部，認真搏到盡。	剪了一頭短髮的高Ling雖然大騷34D咪咪，但卻慘被林夏薇搶盡「峰」頭。	龔嘉欣

至於同場的34D咪神高Ling以一頭清爽短髮上陣，令人眼前一亮。她直言從未試過未及膊的短髮造型：「嚟緊套劇要演女強人，剪短少少硬朗啲，我呢世人都未試過咁短頭髮。（要收起性感？）要呀，我仲要着運動bra，出面着恤衫。（因為大得滯？）唔係，想件事出嚟型格啲，唔好太圓潤。（使唔使紮胸？）唔好啦，會變形，哈哈！」

訂桃花催運

至於龔嘉欣就大讚好友陳凱琳與男友鄭嘉穎十分甜蜜，催促二人快些拉埋天窗，而自己就未有着落，慨嘆今年不利感情，故已訂定桃花。

文：名人組