藝人馬德鐘與太太張筱蘭前晚出席仁愛堂周年慈善舞會，提到馬德鐘與友人夾份養馬，會否開支大？他說：「未計數呀！（自己再抽多隻？）有諗，不過遲啲先。」張筱蘭透露20年前在澳洲試過策騎上山看風景，而馬德鐘透露以前拍劇試過策騎，他又稱正洽談年中回港為邵氏拍劇。
張筱蘭指囝囝馬在驤忙操水：「佢仲要努力，佢話我游得好渣，佢認真好多，我業餘，佢叻啲，冇得鬥。」問到不少星二代都入行？馬德鐘直言兒子要讀書先，行行出狀元，最緊要兒子開心。