蘇麗珊啜完認愛：佢對我好好
影壇新人蘇麗珊月前與游學修分手後，一度揚言要事業為重，近日卻被拍得與新歡「翻版游學修」拍拖，情到濃時更公然在街頭親熱，當眾放閃！戀情曝光後，蘇麗珊昨日拍短片承認與新歡交往中，大讚男友很疼錫她。
蘇麗珊約兩個月前與舊愛游學修宣布分手，1年情告終令人大跌眼鏡，當時游學修表現落寞，曾坦言是「被分手」。
另一邊廂，一直旺桃花的蘇麗珊不愁寂寞，除了被指戀上顧定軒外，近日再被本報獨家拍得火速搭上「高大ABC版游學修」，兩人趁元旦翌日假期出街拍拖，先於灣仔咖啡店蜜會，坐足兩小時才離開，其後行到僻靜處時情不自禁地又攬又啜，蘇麗珊更一度與男友左搖右擺大玩「人肉鞦韆」，隨後雙雙招搖地遊遍銅鑼灣。
與游學修分手後，蘇麗珊去年12月中出席活動時曾強調自己冇拖拍，即使再有對象出現，亦需要長時間了解，但話口未完就有新戀情曝光！
保護圈外新歡
由於有圖有真相，她昨午透過視頻承認拍拖：「我哋的而且確係交往當中，大家相處得好好，佢亦對我好好，因為佢唔係圈中人，所以冇特別公開，但係屋企人、經理人公司以及同事都知，所以絕對影響唔到我工作，多謝大家關心。」對於蘇麗珊承認新戀情，記者一直未能聯絡上其舊愛游學修，不過他在社交網大談未來拍片大計：「簡單嚟講，傾成咗，今年內自監自導自編一套電視劇畀大家。」
文：影視組