黃建東再出招膠fan貼地

藝人黃建東(Derek)因惡搞《PPAP》成為網紅,該片合共超過一千萬點擊率,更獲頒「最有創意網絡紅人獎」,日前他亦獲金隼獎邀請擔任「網絡人氣獎」頒獎嘉賓,直認受寵若驚:「第一次做頒獎嘉賓覺得好奇妙,我都係兩個月前Post第一條片先加入網紅系列,仍在摸索同試驗階段,係學生哥階段,所以今次做頒獎嘉賓有啲受唔起。」他還發覺網上Hit片有兩大元素——創意和貼地,網民喜歡真事,網上回應亦好真實。

最近Derek再接再厲,上載名為「膠fan」的搞笑短片,短短幾日已累積超過五十萬人次瀏覽,他笑言曾擔心片中的麻甩造型會太核突惹人反感,但見網民讚他有勇氣、可愛搞笑,才放下心頭大石:「之前太多修飾反而會冇咗個性,觀眾對我冇乜印象。」