陳國邦「偷食」囡囡嬲豬質問
藝人羅敏莊與陳國邦的愛女陳禛擁有一頭曲髮，外形cute到震，作為父母當然對她寵愛有加。但陳禛最近發現爸爸陳國邦「偷食」，搞到「嬲嬲豬」，媽咪羅敏莊亦於社交網上載影片揭發老公「惡行」。
原來陳國邦未經陳禛同意偷食放在廚房的車厘子，陳禛發現後即質問爸爸為何吃了她的車厘子，陳國邦扁嘴表示不知情，囡囡即表示沒有車厘子吃，然後哭了，陳國邦內疚地送吻氹囡囡，最後大團圓結局。羅敏莊接受電話訪問，笑指這段片是「案件重演」：「平時都會成日同佢講玩『Take Two』再嚟過，佢又會好認真咁去做多次，不過佢咁細個，我哋都冇咩演技訓練畀佢，主要係同佢玩。」