孖老公遊美諸葛紫岐有艷遇
名媛諸葛紫岐（Marie）趁聖誕與老公薛嘉麟及囝囝薛華韜一家三口到美國度假，Marie更將旅行相片上載到微博，昨日她接受本報電話訪問，自爆有「艷遇」，食晚飯時巧遇美國殿堂色士風樂手Kenny G同埋美國歌手Snoop Dogg，令她十分興奮。
Marie坦言此行老公的戰利品多過自己，更自爆等足老公三個小時：「佢今次買咗好多嘢，係買咗超多囉，仲多過我，因為當地大減價，所以我喺附近搵咗間咖啡店坐低，足足等咗佢成三個鐘！」Marie又大讚囝囝充當私人攝影師，為她與老公影靚相：「佢得三歲咁細個，但已經影到咁，已經好叻o架啦！」
