女友被指似思琦李家鼎：係詆毀！

藝人李家鼎與譚玉瑛昨日現身無綫，近日李家鼎被踢爆與一位近60歲的女士拍拖，他否認刻意玩地下情：「邊有收埋，有女朋友都唔使打鑼打鼓。」作為傳統男人的他可會與女友結婚？他笑說：「傳統就三妻四妾o架喎！（會再婚？）隨緣啦！（女友曝咗光會唔開心？）曝唔曝光都唔輪到佢唔開心，我又唔係去偷去搶，名正言順！」
李家鼎、譚玉瑛
李家鼎、譚玉瑛

對於女友被稱為「厚唇思琦」，他直言是詆毀，又指兩個囝囝已見過女友，而且關係OK。談到有指大仔泳漢不喜歡他的女友，他回應：「又係呢啲新聞，細仔（泳豪）陪我多啲，大仔因為忙參選，話唔理佢（女友），個記者聽咗唔like佢！」提到女友已經有孫，李家鼎說亦會當自己孫來疼錫：「譚玉瑛我都錫o架，唔係鹹濕個啲，蝦啲後生冇用o架，要蝦就蝦啲勁嘅！」

李家鼎與女友合照。
  • 李家鼎與女友合照。