林夏薇Mood到自拍婚照
無綫花旦林夏薇年前下嫁金融才俊莫贊生（Jason），除拍劇外還染指飲食業大展拳腳，忙到甩轆的她趁聖誕假孖住老公到馬爾代夫出遊，還帶同不少泳衣及靚衫於當地狂影靚相。
當年薇薇於山頂豪宅秘密出嫁，連婚紗相也於大宅內取景，如今放假外遊，她趁機於當地的陽光及海灘襯托下，與Jason補拍婚紗相。穿上白色貼身透視喱士裙的她，S形身段表露無遺，非常誘人，其勁長頭紗隨風飄起，效果唯美。另一張相片則是Jason攬實老婆纖腰，薇薇急不及待上載靚相放閃。
唔趁機造人
身在當地度假的薇薇，昨日接受本報訪問時，笑指該輯照片全是即興：「其實呢件係晚裝，但設計就好似囉！本身諗住帶啲靚衫影相，嚟到見到個景好靚，就即興補影婚紗相，見到好多人都影婚紗相，但我哋唔想咁大陣仗，所以試吓自拍，就連化妝同Set頭都自己搞。（點影呀？）將個搖控放喺身度遮住，角度全部都係估估吓，都影咗好多張，即興程度係我連高踭鞋都冇帶，不過效果幾好。」問有否趁機造人？薇薇哈哈大笑：「造人又唔使趁機嘅，係要舒服環境，咁就會自然發生o架！我冇話專登要製造一個馬爾代夫BB出嚟！」
文：影視組