謝霆鋒單拖返港陪仔倒數

藝人謝霆鋒與天后女友王菲愈愛愈高調,霆鋒還為女友明天的上海演唱會擔任幕後監督。昨日霆鋒獨自返抵香港機場,罕有風騷大談王菲的演唱會事宜已辦妥,但自己就不會出席,相信是留港陪同兩子過除夕!

萬眾期待的天后王菲上海演唱會將於明天隆重舉行,更大玩直播搞噱頭,王菲早前親身在網上自拍宣傳短片,據講謝霆鋒十分緊張女友的演唱會,在背後全程監工支持。演唱會舉行在即,霆鋒卻沒陪伴在則,昨日竟單拖返港,約下午三時以一身運動服現身,並由助手接機。

「啲飛賣晒喇」

向來甚cool的霆鋒心情極好,戴上墨鏡的他大講聖誕快樂!問到王菲演唱會進展如何?一臉風騷的霆鋒罕有大方回應:「啲飛賣晒喇,直播都搞掂晒,不過我唔會去演唱會。(返嚟探囝囝?)如果講屋企嘢就唔答喇!」步向停車場期間,一班學生蜂擁而上要求合照,霆鋒超友善反問:「同你哋合照好唔好?」

任粉絲集郵

沿途不停有粉絲瘋狂集郵,他都有求必應,上車前還跟記者揮手道別,再說新年快樂!臨近除夕佳節,前妻張栢芝日前帶同兩個囝囝在港到嘉年華玩,相信霆鋒是次特意回港與兩子低調倒數慶祝!

文:名人組