陳凱琳Cake入灣仔攞足1,000分

無綫花旦兼港姐冠軍出身的陳凱琳是新一集東網巨星全新節目《區區有女神》嘉賓，今集她空降兒時經常流連的灣仔區，親手炮製心形甜品與街坊分享。今次Grace不用「粉身碎骨」完成任務，但依然瞓身參與，投入度十足，期間笑料百出！

Grace先被安排在灣仔區一間甜品店炮製心形芝士蛋糕及Tiramisu，之後到利東街派街坊，女神出巡即被大批市民包圍，市民紛紛「搶食」，反應熱烈。親切的Grace先向男童埋手，但男童竟然唔識貨，將吃入口中的士多啤梨吐出，場面爆笑！

逼陳展鵬下架

小小苦楚等於激勵，Grace繼續發動誠意，終獲市民一面倒讚好吃，由利東街轉戰莊士敦道再殺入修頓球場，引來民情洶湧。街坊要以十分為滿分給Grace打分數，其Fans年齡層非常廣泛，有中年男遊客、師奶、少男、OL、小女孩，全部自動波埋身跟Grace傾偈，有小女生更拿Grace的肖像卡索簽名，Grace再施冧功跟對方合照又拍片，並笑說：「你依家wallpaper係陳展鵬，之後要換我張相o架！」

人人都話正！	Selfie交足功課	學生妹粉絲

分數方面，全部市民最少畀Grace十分滿分，一眾男士更鬥畀高分，有人畀10.5分、有20分、100分，最後一位男士更畀足1,000分，他笑說：「100分係畀你啲甜品，900分係畀你嘅！」足見Grace魅力爆燈，任務絕對超額完成！

食過翻尋味 男女老幼咁賞面，陳凱琳粉身碎骨都值得啦！	女神闖修頓	有嘉穎攬攬，就唔使靠風筒取暖啦！

四字成語進步

早前Grace把奮不顧身說為粉身碎骨，知恥近乎勇惡補中文，今集節目就特別考驗她五個四字成語，想不到Grace成績不俗，五題答中四題！今集《區區有女神》內容咁精彩，大家快啲去東網巨星收睇視頻啦！

灣仔區有傳統的露天檔攤，整天遊人如鯽。

陳凱琳

女神的秘密 風筒取暖吹紅心口

身形纖瘦的陳凱琳非常怕凍，每逢冬天都會以風筒當暖風機取暖，卻有一次發生了「意外」，非常爆笑：「我好怕凍！會將風筒個風口塞入件衫入面吹暖個身，點知有一次太熱，吹到心口紅咗一撻，咁啱就要入廠換戲服，仲要係吊帶衫，服裝姐姐問我咩事，我惟有話係皮膚敏感，呢個秘密冇同人講過o架！」

新舊交融地道美食多

灣仔很久之前已發展起來，留下了不少歷史建築物，例如洪聖廟、綠屋等，還流傳不少都市傳聞，例如南固臺、舊灣仔警署及東城戲院都不時有鬧鬼故事傳出，更有年輕人前往靈探。同時灣仔亦是地道美食天堂，到處都有蛋撻、菠蘿包、奶茶等等！

Profile陳凱琳（Grace）

年齡：25歲

身高：1米63

三圍：30B、22、33

Instagram追隨人數：39.4萬

銜頭：2013年港姐冠軍

場地：Double Tree

鳴謝：Barry@Oneness

【 https://goo.gl/YyCTLE 】

文：陳偉立

攝：吳文聰