洪永城為賺錢 Sell唐詩詠私隱

有錢搵，相信唐詩詠不介意情侶檔上陣拍真人騷。

Tony早前接受專訪，細說他的「Big Big」大計，他表示：「我計劃搵來自唔同國家嘅駐香港人士，講吓佢哋國家值得旅遊嘅景點，又或者同全台藝人傾偈，分享吓佢哋去過嘅好地方。（預埋女友唐詩詠、情敵馬國明？）咁要睇網友反應，畀夠一定程度嘅款額，就可以睇到我同詩詠或者馬明一齊傾，想睇我同一啲有特別旅遊經歷嘅朋友傾又得，甚至睇我同詩詠一齊去旅行嘅live都得，想睇我唱歌又得！除咗直播，我仲會拍好多片，例如我會踩單車周圍去尋找隱世美食、美景，播畀大家睇。」

唔會迎合所有人

Tony打正旅遊達人KOL（Key Opinion Leader）旗號，在大台網收費暢談旅遊點滴。自信十足的他說：「我對自己旅行方面嘅資訊、方法都好有信心，每個人都有唔同嘅表達方法，當然有人鍾意、有人批評，但我唔會迎合所有人，因為咁樣只會令自己變得冇性格。（期望藉呢個平台增加收入？）聽講做夠一定程度會有騷錢，如果吸引到一定程度嘅觀眾，咁有番一定程度嘅收入，都好順理成章啫！」

洪永城主持旅遊節目經驗豐富，由他演出的旅遊真人騷必定有捧場客。

黃翠如（左） 洪永城有意踩單車尋找隱世美食。

文：影視組

服裝：Harvey Nichols HK