林二汶唱Live似拍拖

歌手林二汶前晚以評判身份出席歌唱比賽，提到其準則，她表示除了要有技巧，亦要懂得表演：「好似同觀眾拍拖咁。（試過怯場？）出道之前同盧凱彤喺商場唱歌，突然去到高潮嘅時候我唔記得個Chord。」談到組合達明一派的演唱會找不到贊助商，她大讚黃耀明回應得很好：「佢話可能係達明一派唔受歡迎所以冇Sponsor，但係明哥喎！其實我哋at17都計劃出年喺紅館開騷，呢啲冇保證。不過冇贊助，達明一派都係經典，重點係樂迷對佢哋嘅真心！」另外，提到國際著名歌手佐治米高（George Michael）離世，她讚對方聲正又靚仔，自己儲下不少對方的唱片。