趙哲妤B女表情王
藝人趙哲妤（Uny）早前腹大便便到馬來西亞工作，但回港前一晚突然作動被送往當地醫院，於19日誕下約4.3磅B女Natalie。乳名「小魚」的Natalie女名副其實是「表情王」，一出世就識望鏡頭微笑，眼仔睩睩，更與媽媽擺一樣的pose，十分搞笑。
Uny表示順產過程十級痛，以約六小時完成。問到何時回港？她說：「我都唔知幾時返得香港，BB證件需要時間，我唔敢博，對BB要安排小心。（BB入馬來西亞籍？）唔知有冇馬來西亞籍，因為我照幫佢拎呢邊出世紙，然後搵香港入境處協助。」她坦言於當地生B未計花了多少錢。
