古巨基巡唱險被拉落台

今個聖誕節唔單止余文樂在美國度過,歌手古巨基亦在當地舉行《古巨基我們世界巡迴演唱會》,演唱會門票早前開賣就極速售罄,絕對是一票難求。為迎接聖誕,演唱會在當地25號凌晨一時才開騷,一開場基仔以快歌《爆了》辣㷫全場,更唱出多首經典金曲,讓觀眾High足全晚。

期間基仔大爆自己和古太的情史,更捉了三對情侶上台要他們自爆情史,其中一個男觀眾不小心指自己曾在結婚前試過很多女仔,嚇到基仔連忙幫手補鑊:「係試過同幾個女仔拍拖,先至最終遇上最好嘅你!」

在Encore環節,基仔突在觀眾席出現,歌迷即瘋狂湧向他,握手之餘更摸面及摸身,逼到基仔完全行不到,要提早返上台,而觀眾亦站在台前,不願返回座位,更有熱情觀眾在握手時想拉基仔下台,令基仔失平衡坐在台上。之後基仔與全場觀眾進行facebook直播,大唱聖誕歌普天同慶。基仔表示在大時大節開騷,氣氛特別正,但因要在凌晨一時開騷,加上時差,怕捱不住想睡覺,故開騷前特別喝幾樽能量飲品打底:「點知見到啲觀眾咁High,唱到唔識攰,結果唱到凌晨四點先完騷!」