Supper Moment做醜人搞High觀眾

樂隊Supper Moment昨日擔任第14屆《香港冬季購物節》及《香港冬日美食節》表演嘉賓，吸引不同年齡層的人士觀賞，現場氣氛High爆，四子笑言觀眾睇表演時反應可以更熱烈：「香港嘅小朋友好被動，睇到鍾意嘅嘢都好冷靜，所以我哋做醜人先，四隻騎呢怪喺台上跳跳吓，帶動佢哋都郁吓！」此外，成員CK早前與圈外女友註冊結婚，問到當日的感動場面？他說：「佢肯嫁畀我已經好感動，最感動係我之前冇同佢試婚紗，嗰日第一次見，覺得自己真係冇揀錯！」