羅仲謙被撳落水楊怡心痛
藝人羅仲謙婚後努力賺錢養起頭家！日前他拍攝網劇賣命演出，浸頭入水約10秒，老婆楊怡睇完片段後大感心痛，表示自己很滿足現狀，希望老公不要太辛苦。深受感動的羅仲謙承諾會更拚命工作，令老婆食得好住得好，兩公婆公然放閃晒恩愛！
羅仲謙與楊怡婚後各有各忙，早前男方接拍網劇賣命演出。其中一場戲講述他雙手被綁，遭一名男子用手按頭浸入水中，見他不停掙扎，被浸約10秒才出水面，認真搵命博。事後羅仲謙在社交網上載片段，並留言：「我原只想把這段片發給太太欣賞，卻收到她給我這樣的回覆：『老公， 其實我不用吃得好、住得好，所以你不用那麼拚命的。』令我感到非常感動。但我卻想，就因為你這句說話，我會更拚命，讓你吃得好、住得好。」其後楊怡亦轉載片段，並留言「拍得這麼辛苦，你拍的都支持。」兩公婆擺明放閃！
回港過佳節
羅仲謙接受電話訪問表示：「梗係冧爆啦！作為男人咁辛苦搵錢，都係為身邊女人。不過呢句說話變成我工作原動力，我反而會更加搏命。」他表示聖誕會回港兩天與太太慶祝：「會舒舒服服簡單食餐飯。」楊怡受訪稱：「唔係心痛，只不過係希望佢工作咁辛苦，畀多啲鼓勵佢。咁如果有動作戲都會擔心嘅，會叮囑佢要小心注意安全。」
文：專案組