泳兒爭金獎失敗英皇拉隊缺席

樂壇首張成績表《新城勁爆頒獎禮2016》於前晚派發，今年大會改革將獎項縮至55個獎，同時出席歌手亦減少，欠缺天王天后撐場。有傳英皇及太陽娛樂因爭獎問題，齊齊拉隊缺席以示不滿。據知英皇極力幫泳兒爭取「勁爆女歌手（金獎）」，但最終失敗而回。

鍾舒漫：唔係突然嘅決定

泳兒今年的派台歌成績不錯，推出了《四不像》、《浮沙之路》及《我的情書》，其中《四不像》更奪得三台冠軍，她亦在十月底舉行了入行十周年演唱會，加上容祖兒早已講過不會出席新城頒獎禮，故英皇轉而幫泳兒爭取女歌手金獎，但可惜與新城傾唔掂數，故就算張敬軒奪「勁爆男歌手（金獎）」，甚至有傳新城原本打算多頒幾個獎給祖兒，但英皇依然決定拉隊缺席頒獎禮以示不滿。英皇歌手洪卓立與鍾舒漫昨日出席《勁歌金曲頒獎典禮》記者會，亦坦承收到公司order而缺席新城頒獎禮：「其實都唔係突然嘅決定，會尊重公司決定。」

鍾舒漫早已接到公司通知，不出席《勁爆》頒獎禮。

奪女歌手金獎的李幸倪，在慶功宴上風騷晒獎。

對於英皇和太陽娛樂拉隊缺席，新城高層劉婉芬在慶功宴表示：「冇諗呢個問題係咁大，場刊佢哋有落廣告，太陽我係陌生啲，但同英皇都有傾2017年合作大計，但尊重佢哋唔嚟，一定有佢哋原因。（英皇幾時同以咩原因唔嚟？）其實我哋一直都有傾，到今日（前日）佢哋好清楚話唔嚟，知道祖兒唔喺香港，軒仔要跟番公司決定。（影響之後合作關係？）唔會，無論係英皇或其他唱片公司，我哋電台道門永遠打開。」她否認賽果有偏幫任何一間唱片公司，但坦承歌曲獎是「有到才有獎」：「因為要歌手現場演繹，然後畀觀眾十首揀一首。」昨日記者致電劉婉芬，提到有傳英皇幫泳兒爭女金失敗一事，她避談說：「唔再作回應，要講嘅之前已經講晒。」至於英皇方面則未有回應。

李幸倪：多咗信心向前跑

另外，奪女歌手金獎的李幸倪在慶功宴上稱：「努力咗成年，呢個係好大嘅鼓勵同肯定，前兩年係我人生低谷，去到今年加入咗新唱片公司，年尾係一個好嘅總結，多咗好多信心再向前跑。」問到可覺因英皇歌手缺席而造就她得獎？她稱不知道，只覺得每個頒獎禮都有機制。

文：音樂組