郭晉安幫子女推Job：讀書先！

藝人郭晉安、葉翠翠與趙頌茹昨午出席童裝品牌剪綵活動。忙於拍劇的安仔自爆冇時間為一對仔女準備聖誕禮物，還要開工到農曆新年前，希望屆時能抽空與家人旅行補數。提到與一班小模特兒同場，有否心郁郁想讓子女行騷接廣告？安仔說：「係有搵過佢哋做嘢，但我同佢哋媽咪商量之後推咗，讀書先啦！（仔女有冇表演欲？）囡囡聖誕會參加公開表演跳Hip Hop。（囝囝呢？）佢一早講明唔會入行。」