孫慧雪在葉念琛執導新片《我要發達》中，有一場色誘林盛斌（阿Bob）的場口，昨日電影公司在雪雪的大喜日子，特別發一次相，等大家回味一下！阿Bob表示對發相不清楚，不過，他知道雪雪昨日結婚，大讚對方是好女仔，已傳短訊恭喜她！談到跟雪雪拍這場戲，阿Bob指雪雪好專業：「佢演AV女優嚟香港搵我，突然喺床上出現，為咗演呢個角色，佢特登去學日本人講廣東話嘅音，同埋我終於明白點解大家封佢係宅男女神，真係冇得彈。」此外，陳嘉桓亦有用43吋長腿加谷盡上圍色誘阿Bob，阿Bob笑言少點定力也不行，並指拍攝時應該要食鎮靜劑。