甩拖蔡思貝咀新娘沾福氣

藝人賴慰玲、蔡思貝和林秀怡等昨日為出嫁的孫慧雪擔任姊妹，賴慰玲接受本報訪問時大爆接新娘趣事，透露玩新郎哥環節中，要求眾兄弟及新郎哥穿泳衣玩遊戲：「要佢哋着住做好多瑜伽動作，咁佢哋都好乖同配合！（咁咪現晒下體？）佢哋將泳衣着喺西裝出面，好搞笑，係要件咁細Size嘅泳衣放落去班男仔咁龐大嘅身軀度，呢個效果係最好睇！（新娘子有冇喊？）又冇，全程都係歡樂氣氛，笑咗好耐！」由於她昨晚要參與舞台劇，因此在新人簽字前已離開，未能參與飲宴。