陳婉婷美女廚房火辣過聖誕

普天同慶的聖誕佳節又到，相信大家已為各大派對作好準備，不過要成為全場焦點，自然要化上今年聖誕大熱妝容。無綫小花陳婉婷亦分享化聖誕妝的心得，她指閃爍的眼妝不可缺少，再配合紅唇以迎合聖誕主題，她說：「因為Party啲燈光好暗，化有少少閃粉嘅眼影同黑色眼線，對眼有神就點影相都靚！」

不愁寂寞

要在派對中突圍而出，服裝亦是重點之一，Hebe化身性感聖誕女郎，大騷香肩及白滑長腿，與大家度過一個火辣辣的聖誕！今年繼續單身過節的Hebe不愁寂寞，皆因早已相約一班好姊妹開Party：「今年會同好姊妹喺屋企玩煮飯仔，好似美女廚房咁，仲會交換禮物。（冇男友陪過節會否覺得寂寞？）冇所謂，反正有好多朋友陪我過，都夠晒開心！」

陳婉婷化身聖誕女郎大騷美腿。

陳婉婷教路化閃粉妝搶鏡。

Hebe透露童年時過聖誕，會與家人享用聖誕大餐：「細個年年都會同屋企人出去食聖誕大餐，雖然喺正日食，好多人又貴，但我哋年年都風雨不改，之後會搭巴士，喺沿途欣賞燈飾。」惟她大呻聖誕燈飾買少見少，尤其是今年天氣相對炎熱，聖誕氛圍不太濃厚，令她大感可惜！

化妝、髮型：Jeff Tang、Matt Chau

場地：MIOXPACE@LE SECRET

文：專案組