Richard Marx繩目制服醉漢

憑80年代經典情歌《Right Here Waiting》大紅的53歲美國唱作男歌手Richard Marx,日前偕妻乘坐飛機時,眼見一名亞洲男乘客醉酒鬧事襲擊空姐與乘客,他即上前大顯身手,拿起繩子與其他空姐合力將醉漢制服!

Richard紅爆80年代末與90年代,經典作品包括《Right Here Waiting》與《Now and Forever》等,全球賣出逾3千萬張唱片,曾4度獲格林美音樂獎提名,與Luther Vandross合寫的《Dance With My Father》更獲格林美音樂獎最佳作曲。

空姐唔識用電槍

前日Richard與第2任妻子Daisy Fuentes由越南河內乘飛機往韓國首爾轉機返洛杉磯慶祝結婚一周年,期間一名坐在他們附近的亞洲男乘客喝得大醉,發狂襲擊空姐與乘客,Richard立即上前與其他空姐合力對付醉漢,過程被Daisy以手機拍下,上載社交網站。見空姐嘗試用電槍制服醉漢,Richard拿着繩子準備將醉漢「五花大綁」,事後Richard累得坐在椅上,被其他人拍膊頭感謝。

Daisy留言形容當時情況:「當醉漢開始推撞空姐,猛扯佢哋頭髮時,Richard係第一個起身去幫手制服佢,經歷咗4個鐘。我為員工要忍受虐待感到難過,但佢哋準備不足,佢哋完全控制唔到醉漢,唔識用電槍,又唔識點樣用繩綁住佢,佢掙脫咗束縛3次。」

「我唔係做英雄」

事件中有2名乘客與1名空姐受傷,飛機降落後,醉漢被首爾警方拘捕。Richard留言表示:「Daisy同我已經安全返到屋企。我唔係做英雄。只係做任何人喺同一情況會做嘅嘢。多謝大家關心。」

文:外娛組