莊端兒當張致恒冇到
擁有35E巨胸的模特兒莊端兒（Xenia），與舊愛張致恒（Steven）分手後，前晚同場出席首映禮，二人刻意避碰頭各自四竄。記者分別向二人要求合照，Xenia找同行的歌手好友迪子擋駕，而Steven則嚇得急急腳入場。
以透視谷胸裝造型上陣的Xenia受訪時聲稱見不到Steven，又說：「分手後冇見過面，今年要過孤獨聖誕節。（有追求者？）成日都有，不過我想休息吓先，唔想拍拖住。」
夏尉喻發福賴皮裙
同場的「寸嘴Barbie」夏尉喻以紅色皮裙谷出「籃球胸」現身，見她發福不少，她指因皮裙修腰的設計所致。問到聖誕如何度過，她說：「要工作，依家不乏了解中嘅男性朋友，嗰啲唔係裙下之臣，係了解中嘅朋友，我呢個年紀嘅女仔唔想拍散拖，想開花結果，不過唔心急，再了解吓先。」同場的藝人林家棟則自爆十多歲時在電子遊戲機中心當兼職曾遇上劫匪：「我喺長沙灣做Part-time，點知有人走嚟打劫，最後畀個賊劫走咗幾百蚊。」
文：專案組