孫慧雪進擊城大追仔索Like

「宅男女神」孫慧雪一向是吸like高手，作為東網巨星全新節目《區區有女神》頭炮嘉賓，當然不容有失，她專誠重返九龍塘城大母校扮借電話測試人氣，為成功「搶Fo」引同學仔埋身，「進擊的雪雪」不惜重施當年讀書追仔必殺技，不斷游走整個校園，過程中完全唔怕食檸檬，結果當然超額完成，證明其真女神地位。

雪雪自High失控跳舞，搞笑舞姿真係非筆墨所能形容！

性格傻大姐的無綫女藝人孫慧雪乜到笑一餐，深得網友喜愛，於香港城市大學語文系畢業的她，在東網巨星全新節目《區區有女神》首集殺入九龍塘區重訪母校兼向師弟妹借電話，笑料百出！

在城大逗留期間，雪雪不停被同學仔認出兼索合照，但要完成借手機任務也非一帆風順，頭幾位同學因趕時間竟派檸檬，嬲到雪雪「揼地」，但其後同學都相當合作，自動波呈上手機畀女神，聽話的同學自然有福利，能夠跟雪雪頭貼頭大玩十連拍，同學反應亦相當趣致，「怕醜仔一號」見到女神出現即面都紅晒硬晒軚，雪雪繼續撩對方：「你知唔知我係邊個呀？Like咗我Facebook未？」嚇得怕醜仔口窒窒說：「雪……雪…雪吖嘛！可唔可以打格仔呀？」場面爆笑！

玩潮Apps扮狗都得

有「冷靜哥」努力扮鎮定，又有「熱情仔」跟足雪雪十幾分鐘，最終成功與雪雪玩潮Apps齊齊扮狗仔，當雪雪知道學生哥只Like了她的Instagram，即「搶」了對方手機「做嘢」：「我嘅任務係要你Like埋我Facebook！」期間更有同學碰巧正在收睇雪雪有份演出的劇集《幕後玩家》，全枱人驚見女神由公仔箱跳入真實世界，都大吃一驚，有女仔指着四眼男說：「佢好鍾意你（口架）！」被踢爆的「四眼男」即面紅無言！雪雪咁親民當然多正評，有同學讚她Nice及真人唔肥，氹得她笑逐顏開！

「熱情仔」扮狗仔

雪雪知道師弟未Like其fb，即「搶」手機撳Like！

「冷靜哥」握手仔

為溝仔幾辣都照啃

雪雪分享當年讀大學的回憶，曾參加戲劇學會及朗誦隊，算是活躍分子，更暗戀過一名眼細細的可愛男仔：「成日偷望佢，又幫佢做功課，試過佢餵我食粒勁辣牛丸，我唔食得辣都照吞！覺得好甜！之後自己仲去練食辣！」雪雪多年來仍跟老師保持良好關係，會不時回校探望，她笑說：「佢哋好錫我，讚我純，仲試過老師之間鬥畀我高分！」今集《區區有女神》內容咁精彩，大家快啲去東網巨星收睇視頻啦！