31歲名模Chrissy Teigen雖然已貴為人妻，今年更升呢做媽咪，但極速收身的她作風比以前更見大膽，日前就以超高衩長裙成功搶盡版面！
索模Chrissy雖然已下嫁歌手John Legend做幸福少奶，今年4月更誕下女兒Luna升呢做媽咪，但完全沒有阻礙她成為話題性感女神，作風比以前更豪放！
擁有34C、25、34魔鬼身材的Chrissy，生B後亦未有掉以輕心，轉眼已成功搣甩肥肉！早前出席美國音樂頒獎禮時，她選穿一條黑色長裙，正面睇以為封頂冇料到，原來腰部兩側有超高衩設計，幾乎開到上腰騷出長腿及纖腰，一步一驚心！雖然超性感長裙危機四伏，但Chrissy依舊不打底真空上陣，結果令重要部位曝光，搶盡各大版面！
Chrissy以「走陰裙」在紅地氈搶盡風頭，生完3個月的她又急不及待「回歸」，參演歌手Fergie的《M.I.L.F.$》MV展現收身成果，MV中與巨籮真人騷女星Kim Kardashian及Fergie齊齊以火辣造型示人！Chrissy在鏡頭前瞓身餵人奶，谷出超深長事業線，又換上低胸內衣襯浴袍晒纖腰美腿，誓行性感人妻路線！
即使暫時沒有演出機會，Chrissy亦在自己的「主場」Instagram大晒性感照，當中有她全裸坐梳化，偕老公John型爆Chok甫的照片，亦有湊女騷事業線的性感照，話露就露！又例如玩過山車，她都要谷胸玩「自摸」，對身材充滿自信！
Chrissy作風豪放，言論亦非常大膽，不時與網民掀罵戰。早前，Chrissy興起舉辦「感恩節網上Q&A」，回答網民提問，有網民借機攻擊她：「你煮隻火雞大唔大過你籮柚？」Chrissy即爆粗反擊，惟繼續被狙擊：「你係一個女人，唔係淑女，因為一個淑女唔會好似你咁講嘢同着衫。」Chrissy其後耍冧道歉。她最後被問及平日如何面對網民的批評，經驗豐富的她表示只要逐一回應批評，對方通常都會取消社交網帳戶。
文：外娛組