馬國明打後空翻搣甩天然呆

馬明年前出席台慶頒獎禮露出「天然呆」表情，瞬即成為其獨有標記。剛過去的頒獎禮上，他再被拍得呆坐，未有起身恭喜視帝陳展鵬。昨午他與徐子珊出席港鐵「開心搭‧生日獎」活動，親自解畫：「咩呀？展鵬坐喺我身邊，一早恭喜咗佢，麻甩佬唔使攬晒啩？後排都有好多人冇起身，大家唔使咁留意我嘅，出年我打兩個後空翻囉！（要找數喎。）唔好咁認真，我哋睇周星馳大嘅。」

「邊個攞都咁開心」

提到網民覺得視帝應該是郭晉安，馬明說：「大家同事，邊個攞都咁開心，我當去參加派對。安仔都攞咗三次啦，冇人會質疑佢演技。（當晚字幕打錯咗周驄叔個名。）係唔係幾好，但忙中有錯，相信係無心之失。（你同唐詩詠一齊行紅地氈喎。）公司安排，我哋冇得揀，唔好太敏感，陣間城城（洪永城）唔開心呀！」

眾人起身祝賀陳展鵬封視帝，馬國明則坐住拍手。	陳展鵬	徐子珊稱若有好角色，會再返無綫拍劇。

同場的子珊透露23日出發到美國芝加哥，準備聖誕日登台，不過據聞當地大風雪，令她有點擔心：「驚航班問題，嗰度依家積雪成6吋，又擔心太凍，啲觀眾唔嚟睇，話晒我都準備咗成個月o架。」

子珊有意返無綫拍劇

子珊又稱登台後要趕飛機，事關除夕當日要到深圳出席大型倒數活動。記者笑她過肥年，她笑說：「都要做嘢嘅。（幾時拍番嘢？）話晒咁耐冇拍，想等有挑戰性同新鮮嘅角色。（無綫搵你？）之前係有一部，不過時間配合唔到。」

文：影視組