高鈞賢電子口罩傍身

霧霾肆虐，上海及附近地區亦被波及，袁詠儀昨日原定由北京飛濟南，因霧霾要由上海轉機再搭高鐵，十分轉接，她說：「北京啲朋友講好嚴重，話會撤離，我仲講笑話好呀！大家嚟晒香港熱鬧啲啦！」目前身在橫店拍劇的高鈞賢則說：「北京係好犀利，我喺距離上海兩小時車程嘅橫店，呢度比北京好啲，但呢幾日天氣都差少少，矇查查，我上網買咗個電子口罩，可充電、有過濾同通風好啲，會放喺身邊用。」
高鈞賢身在橫店，他買定電子口罩，出入都罩不離身。
高鈞賢身在橫店，他買定電子口罩，出入都罩不離身。

萬綺雯（蚊蚊）、黃德斌稍後都會到上海做舞台劇，蚊蚊聞得上海都被波及，她計劃買定口罩帶上去，平日多留在酒店及排練室，不會出街。黃德斌亦說趕緊去物色口罩。

袁詠儀
  • 袁詠儀
（左起）：唐貝欣、唐貝詩<br>唐貝欣之前在北京都感受到霧霾的威力。
  • （左起）：唐貝欣、唐貝詩
    唐貝欣之前在北京都感受到霧霾的威力。