重新演繹歌神經典 ReVe椅子舞致敬
繼改編古天樂《今期流行》舞蹈後，跳唱組合ReVe近日再有新搞作，今次在歌神張學友名曲《頭髮亂了》加入全新椅子舞，跳出另一番感覺！他們坦言一直崇拜歌神，若有機會合作肯定開心到癲！
由劉瑞祈（Kay）及陳子華（Cavan）組成的男子跳唱組合ReVe，上月為古天樂經典作品《今期流行》重新排舞並拍成短片放上網，大受歡迎！近日他們再推出全新練舞片段，今次向歌神張學友名曲《頭髮亂了》致敬，將椅子舞融入歌中，帶來全新感覺！
崇拜學友想合作
兩子平日練舞都愛跳別人的作品，並習慣拍下練舞過程，以便作出改善：「有支持我哋嘅人問可唔可以Share平時練習嘅片嚟睇，我哋鍾意揀啲經典歌，睇吓以前咁好聽嘅歌如果換成2016版，會唔會有唔同感覺！」他們透露在台灣受訓時跟導師學跳新版《頭髮亂了》，大讚歌曲有氣氛，並同聲表示非常崇拜學友：「如果有機會合作應該會癲咗！」
談到在台灣受訓的日子，他們坦言之前不認識拍檔，所以剛開始有很多摩擦：「我哋連揀食咩都嗌交，有時工作上又會有唔同諗法，但大家都係想件事好，就自然會和好如初。」經過一輪磨合後，他們現時已是好兄弟，跳舞時非常合拍！
文：音樂組