祖兒 Twins 騎呢賣萌「克鋒」棟篤唱

英皇出動旗下八大王牌歌手謝霆鋒、容祖兒、古巨基、李克勤、林峯、陳偉霆(William)及Twins為賀歲電影《決戰食神》合唱主題曲兼賀年歌《完美這一天》,早前拍攝MV,霆鋒和克勤首度合作「棟篤唱」,祖兒與Twins一碰頭即大鬥騎呢。

集合八位超級紅星齊拍MV,度期已是難事,MV原定計劃在泰國取景,因泰王駕崩臨時變陣留港拍攝,今年剛加盟英皇的克勤更是首次錄公司賀年歌,並首度和霆鋒合唱,克勤自言唱快歌是強項,但要配合動作就有難度,自嘲是企棟棟「棟篤唱」,未料霆鋒都是同路人:「本來都覺得幾孤單,後來發現霆鋒都係『棟篤唱』,我哋好夾,唔使點郁都擦出火花!」「克鋒」兩人「定力」強勁,在場監督的高層Mani(霍汶希)忍不住勸兩人「郁多幾下」!霆鋒指現今香港樂壇已很少有一班歌手合唱,對於公司上下表現團結,甚為難得。

鬥拋泰文

今次MV是由泰國導演Deuce Chongdol操刀,Twins和祖兒難得「龍虎豹」碰頭合作,三人拍攝咪嘴部分時,不約而同做出多個趣怪表情,結果Mani笑指三人:「龍虎豹你哋係咪要鬥騎呢呀?」她們即笑謂:「唔係我哋騎呢呀!係導演唔鍾意太尋常嘅姿勢,只要表情夠誇張,佢就會話『So Cute』,仲一take過唔使NG。」面對泰國導演,各人大晒泰文,林峯將泰文傾巢而出,祖兒就拋句「沙華啲給」和「水擘擘」。在寒風下拍跳舞場面,祖兒急向翻譯學兩句泰文,叫導演拍快一點。反而去過泰國拍戲的阿Sa,泰文最了得,學會幾句傍身!

基仔空肚跳舞

因MV中沒有指定舞步,基仔、林峯和William都是自由發揮,基仔落力又跳又跑,導演一喊Cut,他即時坐下抖大氣:「今朝連早餐都未食就趕嚟,頭先係空肚跳舞,好彩都應付自如。」林峯就熱情澎湃,在氣溫只得十幾度下,一樣跳到爆汗。

另外,霆鋒任集團大中華區主席的「數字王國」,將為女友王菲本月底在上海舉行的演唱會提供VR360度全景直播拍攝,昨日「數字王國」上載了新短片,片中一名神秘人在工作室親自監督團隊進度,神秘人疑似是霆鋒!

文:音樂組