姚子羚台灣外景有仔陪
出席完台慶頒獎禮後，姚子羚、陳展鵬、胡定欣、陳山聰及鮑起靜昨早為無綫劇《同盟》到台灣拍外景。子羚稱今次將逗留台灣一星期，當中會到景點「十分」拍攝：「其中一日去夜市拍，我唔使去，我打戲拍晒，剩番文戲，仲會有幾日可以休息。（男友嚟唔嚟？）會呀！（想收咩聖誕禮物？）有時間見已經好足夠。」
而展鵬和定欣吸引不少粉絲來送機，定欣透露大隊將於當地夜市拍大晒冷場面，聖誕會於當地度過。對子羚自爆男友探班，定欣說：「佢自己報案呀，好呀！」展鵬則說：「由得佢囂張啦！我攰到聲都沙埋。」記者取笑二人可趁機會拍拖？展鵬說：「我哋會拍好多對手戲。（台慶頒獎禮見家長？）我又冇做錯嘢，做咩見家長？呢啲讀書時期先會發生。（冇互相介紹咩？）邊有時間，大家都忙嘛！」