黃嘉樂操泰拳 跳繩練爆炸力

藝人黃嘉樂頻頻拍劇，為求每次演出做到最好，除了進修演技外，更積極鍛煉體能。最近忙拍新劇《同盟》的嘉樂，特別安排時間向冼灝英師傅學武。原來嘉樂已跟冼師傅學習大聖劈掛及泰拳多年，但去年拍攝《張保仔》不慎受傷，左小腿十字韌帶斷裂，康復後便痛定思痛練好體能，以應付各樣演出要求。嘉樂更拍片錄下自己表現，他說：「曾經荒廢咗一段時間，上次受傷，見到成隻腳萎縮埋，真係唔可以懶。」
嘉樂指拳頭要放輕，再控制好身體重心，向前打出去才能拳拳有力。
嘉樂指拳頭要放輕，再控制好身體重心，向前打出去才能拳拳有力。

左腳受傷 唔敢盡情踢

嘉樂與冼師傅練習泰拳，見嘉樂有板有眼，雖然盡得真傳，但他自覺仍不夠勤力：「師傅話拳頭要放輕，要用全身嘅力打出去，但覺得自己掌握得唔夠好。（打腹部練腹肌？）可以加強腹肌收縮，同埋鍛煉抗擊力，師傅已經留咗力，全力打應該頂唔順。」嘉樂打沙包及跳繩可訓練耐力及爆炸力。雖然冼師傅叫嘉樂練習時不用刻意遷就曾受傷的左腳，但嘉樂坦言有陰影，未敢盡情起飛腳。

左腳有舊患的嘉樂選擇跳繩，將雙腳的差距減低。
  • 左腳有舊患的嘉樂選擇跳繩，將雙腳的差距減低。
嘉樂咬緊牙根捱冼師傅重拳，原來是為了加強腹肌收縮，令控制身體重心有更好表現。
  • 嘉樂咬緊牙根捱冼師傅重拳，原來是為了加強腹肌收縮，令控制身體重心有更好表現。
嘉樂踢沙包，難以發現左腳有舊患。
  • 嘉樂踢沙包，難以發現左腳有舊患。