譚詠麟撐身材好：有幾個豐衣足食

樂壇校長譚詠麟昨晚擔任ViuTV《美選D.n.A.》主席評判，校長竟表示不知昨晚同樣舉行無綫台慶頒獎禮，他笑說：「手掌係肉，手背都係肉，我都奇怪叫咗我咁耐嚟做啦。（攞正牌睇女仔？）梗係啦，唔係點解戴個有色眼鏡呀？」他拒透露心水佳麗是誰，只肯說鍾意具幽默感、有拚搏精神及夠轉數的類型，又指為做主席評判捱夜重看之前的選美短片。
薛凱琪
薛凱琪

提到佳麗的身材，校長即抵死就話：「好似個個都有啲，除咗有幾個『豐衣足食』外，時代唔同囉！」同場的劉美君自爆沒有收取酬勞任評判，至於薛凱琪則是表演嘉賓，黃心穎家姐黃心美則性感打扮擔任司儀。唯一的表演嘉賓薛凱琪獻唱《十年後的我》時疑似走音，令人大跌眼鏡。

譚詠麟笑言要戴有色眼鏡做主席評判。
  • 譚詠麟笑言要戴有色眼鏡做主席評判。
丁子高（右起）、劉美君及雷頌德有份擔任評判。
  • 丁子高（右起）、劉美君及雷頌德有份擔任評判。