吳業坤遭網民圍插灰爆
歌手吳業坤昨日舉行新碟簽唱會，談到日前跟作家健吾進行直播時，被對方指最近灰爆，又指坤坤曾跟他說「如果聽日死咗，個市會唔會好似陳僖儀咁樣對待吳業坤？」，隨即惹來網民圍插，被指消費已故歌手陳僖儀。
坤坤即解釋在直播中自己沒有提及任何人的名字，亦不是想做製造話題的人。問到這句話何解？他說：「我同健吾會私底下傾偈，講咗我平時好灰爆，同埋有好多諗法同觀眾講咗出嚟。（有提及陳僖儀？）冇，可能係大家有啲諗法加埋一齊，可能健吾又好心，同大家講我灰到有幾灰。其實責任唔係喺人哋身上，全部都係我。」更坦言網民的輿論是自己最近灰爆的主因。問到可會跟陳僖儀的家人道歉，他說不會刻意，但若果他們不開心，會親自致歉。
