李亞男叫苟芸慧做奶媽！
與岑麗香齊封「處女黨」的好姊妹李亞男、苟芸慧與鍾嘉欣聚首加拿大，見證香香的婚禮，至於王君馨因要出席台慶頒獎禮而被迫缺席。廣東話欠佳的亞男一開口便祝香香「三年抱三」，令身旁兩位姊妹驚呆，亞男笑言：「Aimee（陳茵媺）都做過啦！」而苟姑娘則說：「希望香香同強強永遠都咁開開心心，甜甜蜜蜜，最緊要可以三年抱二就得，我要求低少少。」
單身的苟姑娘被問下一個是否到她結婚？嘉欣代解圍：「Save the best for the last（把最好的東西會留到最後），佢一定會好幸福，佢個人好細心，探我個女又照顧得好熟手，將來一定係個好媽咪。」姊妹催香香升呢做人母，亞男再爆笑料推薦苟姑娘說：「到時你幫手做奶媽啦！」眾女隨即呆了數秒，亞男才知講錯說話，嘉欣打圓場說：「我哋三個廣東話都唔好嘛！」亞男又透露香香行禮時眼濕濕：「婚禮好Sweet，好開心見證好姊妹終於結婚，場面好開心，好感動，新娘子入嚟好開心，眼濕濕咁，但係開心嘅眼淚。」
至於王君馨昨日接受電話訪問說：「香香同強強都好愛對方，好戥佢哋開心。佢話如果我拎到獎，對佢就係最大嘅結婚禮物。」