張頴康再「飛躍」示愛多謝老婆
早前於TVB馬來西亞星光薈萃頒獎禮中奪得「飛躍獎」的張頴康昨晚再下一城，頒獎禮中大熱贏「飛躍進步男藝員獎」！宣布入圍名單時已贏得台下全場掌聲的他，上台時激動得面紅紅並說：「上次喺馬來西亞我只記得多謝老婆，漏咗好多人，我要多謝珍姐（曾勵珍）喺呢十年畀機會我，多謝樂小姐（樂易玲）、Sandy（余詠珊）、杜生（杜之克），仲有監製梅小青、家豪等等。我要多謝老婆（麥雅緻），我愛你。」
「飛躍進步女藝員」獎則由李佳芯撼贏賽前大熱劉佩玥，佳芯自言今年是一個奇迹年：「我由細到大都冇做過女主角，亦同獎項無緣，但今年攞咗三個。」說到此處，她開始哽咽並續說：「好多謝監製Marco（羅永賢）、珍姐（曾勵珍）、樂小姐（樂易玲）。」受訪時被問到為何未有多謝男友陳炳銓？她即扮傻說：「邊個係我男友？如果有老公，會多謝老公！今年真係豐收年，想食糖水慶祝。（同男友食？）一大班人食。」
