陳凱琳拋磚引「肉」氹嘉穎落疊

陳凱琳施計氹掂男友鄭嘉穎，穿低胸裙與花旦鬥艷！

無綫一眾小生、花旦爭奪昨晚17個獎項，以肯定過去一年在事業上的付出，連頒獎禮前的紅地氈亦要鬥餐懵！一眾靚女悉心打扮赴會，同屆港姐出身的陳凱琳（Grace）、蔡思貝與劉佩玥齊齊Deep V現身大派眼睛冰淇淋。一向被指偏瘦的Grace以一身鮮紅色低胸打扮現身，泛起一陣「微波」，問到事前有否給男友鄭嘉穎過目？她搞鬼地說：「今日試衫嗰陣，我先畀咗套更離譜嘅佢睇，佢即刻話：『你着呀？』我先再攞依家呢套出嚟。平日買嘢都係咁，先攞貴嘅出嚟，然後再話佢知想買平嗰套，通常都過到關。」

李施嬅晒6卡閃鑽

至於雙雙角逐「最佳女配角」的龔嘉欣與王君馨不約而同晒長腿，實力派郭少芸突然以銀色超低胸套褲亮相搶Fo，搞到身旁的阮兆祥「硬晒軚」。升呢人妻的陳自瑤與林夏薇不忘「晒胸」，姚子羚則以性感高貴登場。另一焦點落在李施嬅身上，一身銀色吊帶低胸露背裙的她露出腰間兩側，加上有英皇珠寶贊助的六卡有多的鑽戒，與各自戴上逾600萬英皇珠寶鑽飾的朱千雪與劉佩玥齊齊「閃」爆全場。

另外，懷孕四個多月的張名雅以藍色晚裝現身「晒肚」，可謂另類搶鏡；而朱晨麗於鎂光燈下被發現「妝」扮「白色一撻撻」，即使「晒線」都冇用！

姚子羚Deep V上陣，睇起嚟勁有女神Feel。	蔡思貝繼續中門大開，可惜隔重紗殺「峰」景！	劉佩玥谷出深長「事業線」，扮到靚一靚博攞獎。
陳凱琳與唐詩詠等自拍，輕輕一夾派福利。	翠如BB打扮仙氣十足，但「球」技欠奉。	李施嬅戴上大大粒鑽戒，「峰」芒畢露。
嘩！林夏薇做咗人妻仲咁搏，事業線長到呢！	黃智雯側一側身，畀「咪咪」抖吓氣！	湯洛雯平時唔聲唔聲，台慶嚇你一驚！
王君馨晒腿上陣，略嫌太過「甲組腳」。	陳自瑤又嚟「招牌動作」整理裙襬，幾咁養眼。	朱晨麗留待台慶頒獎禮先嚟露兩手。

文：影視組