太極聖誕玩百萬抽獎
殿堂級樂隊太極昨日為最新發燒專輯舉行簽唱會，樂隊Mr.主音Alan亦有到場支持，並化身小粉絲取簽名兼集郵。受訪時，他們透露聖誕節會到成員劉賢德（HiFi德）的音響展覽室開Party：「喺佢度聽我哋嘅全新專輯，由佢嗰啲幾百萬嘅喇叭出聲，睇吓會點樣！」HiFi德笑稱願意捐出100萬的器材給兄弟抽獎：「100萬嘅喇叭，但你要同我買多300萬嘅嘢，其實太極咁多位成員都係我嘅大客嚟！」
提到明年1月7日將與溫拿開騷，太極指現時正積極練歌：「我哋決定玩晒呢隻新碟嘅歌，所以一定罰錢㗎，大家預咗行路返屋企！」