RB尾場各自放閃

樂隊RubberBand（RB）假旺角麥花臣場館舉行一連三場演唱會前晚圓滿結束，月前傳不和面臨散Band的樂隊Mr.五子首度「合體」捧場。期間，RB三子多度落台獻唱，主音6號更走上「山頂位」，與填詞人老婆合唱時說：「以前一齊讀書、一齊參加唱歌比賽，今日啲畫面返晒嚟。」至於鼓手泥鯭則向圈外女友公開示愛：「特登染咗個頭諗住畀驚喜佢，點知佢喺後台出現畀驚喜我，I Love You，欣。」阿偉則抱女兒上台，指15日是結婚三周年，希望每年開騷過結婚周年。