與陳柏宇合資趙勁皓目標開20間舖

藝人趙勁皓(King)與歌手陳柏宇(Jason)等合資的漢堡包店昨日在旺角開幕,King女友盧頌之(DaDa)挺着六個月身孕前來撐場及打點。

DaDa表示King要求她工作至明年1月便停工安胎,但她想在入院前才停工,問她會否聽「老公」話?她說:「都會嘅!」在旁的King笑說:「啲人開始叫我做外父。(遲啲結婚?)我哋會註冊咗先生BB,因為註咗冊BB攞出世紙會方便啲,之後去外國行禮,然後返香港同內地補擺酒。」談到開業大計?他計劃再多開幾間輕食店,目標是十至二十間,之後再打入內地市場,問到租金貴不貴?他說:「我哋係開輕食店,唔需要太大舖位,租金都接受到,希望啲人會慕名而來。」

而Jason做生招牌即場試食,他說:「其實依家先至Confirm自己有份,不過我知道King實會預埋我,可能佢貪我靚仔。」