老婆Yoyo咀女 王浩信「復仇」搞HeHe
藝人王浩信與陳自瑤（Yoyo）昨日夫妻檔出席MCP新都城中心聖誕活動，浩信透露因台慶劇《致命復活》效應而多了不少賺外快機會，還帶挈太太，故非常感恩。對於丈夫在兩線台慶劇均受觀眾喜愛，Yoyo表示高興，但浩信卻重提她與陳煒於《幕後玩家》的咀戲：「淨係睇相都火滾！好在我新劇《踩過界》都同張振朗玩HeHe，唔係咀，係沖涼！」Yoyo笑說：「我以為佢幫你擦背添！但估唔到中港粉絲接受到我同女性Kiss，仲話鍾意。」
另外，浩信表示日前外景時遇上影帝周潤發：「最開心係佢問我圍頭話係咪好難學，證明佢有睇套劇（《EU超時任務》）。（有冇叫發哥投你視帝一票？）相信佢眼睛係雪亮嘅。」而對於李潤庭爆婚外情，浩信與Yoyo表示維繫夫妻關係最重要是溝通及信任。
