《玄學星相》：吳偉豪行事業運男神接班人
近年無綫有不少年輕男演員俗稱「小鮮肉」冒起，好像何廣沛、吳偉豪、李豪和李日昇，各人的演技都備受讚賞，不知道哪一個可以突圍而出，成為新一代小生呢？東網巨星節目《玄學星相》，最新一集邀得堪輿學家陳子才，以玄學角度分析四位「小鮮肉」的演藝前途。
東網巨星娛樂節目《玄學星相》播出後反應熱烈，深受觀眾歡迎，最新一集邀得堪輿學家陳子才，以玄學角度分析四位「小鮮肉」的演藝前途。吳偉豪以18歲之齡加入《愛．回家之八時入席》劇組，被網民喻為「翻版吳彥祖」，子才師傅指他很有機會成為新一代電視界男神：「佢好早就行運，佢2013年已經開始行運，仲要行呢個正正係『食神』、『傷官』，表演事業嘅運。從命格嚟講，原來佢係一個木、火、土專旺嘅格局，平時我哋講五行唔平均反而有着數，佢嘅情況正正係咁。2016年開始，慢慢佢就有爆發點，有非常漫長嘅路途等待緊佢。」
何廣沛演而優則唱
另一位「小鮮肉」何廣沛憑着《律政強人》中飾演方中信的徒弟而為人所認識，原來他曾經有意加入組合「天堂鳥」成為歌手，何廣沛現改為全職拍劇。子才師傅表示他的命格十分適合演戲：「我哋成日講『傷官』代表演戲嗰粒星，喺佢命格好明顯出現咗。其實佢係未行運，依家叫嶄露頭角，但好快2019年佢就會正式行大運，行一個非常好嘅表演運。我嘅睇法就係佢到時會有一個爆發點，將會有一段漫長而精彩嘅演藝生涯。重要一點，到時唔止『傷官』星出現，連『食神』星都一齊出現，到時可能佢演而優則唱。」
李日昇擁動作演員面相
而李日昇在《城寨英雄》中演小智一角而人氣急升，獲網民大讚演技好，是一塊有實力的綠葉，子才師傅表示他很適合向武打方向發展：「從面相角度我哋可以分析一下，通常動作演員有咩特點，第一眉骨要凸起，你留意佢眉骨係凸起。第二顴骨好飽滿，體力足，第三下顎好有力，非常之啱做體力型嘅嘢。所以基本上，從面相嘅角度、體形嘅角度，都完全符合做一個動作演員。」至於李豪飾演一些特別女性化的角色而為人熟悉，子才師傅表示李豪眼神較柔美，適合做一些較柔弱的角色。在何廣沛、吳偉豪、李豪、李日昇四位「小鮮肉」，子才師傅認為何廣沛或吳偉豪以後的道路及發展空間可能性比較大，兩位突圍而出的機會相對會較高。想繼續聽師傅點講？Click入東網巨星睇《玄學星相》啦！
https://goo.gl/owsRxx
文：專案組