自資網絡電影李逸朗回番棺材本
演員李逸朗、鄭敬基、黃建東等昨於銅鑼灣為網絡電影《神探茄喱啡》祝捷，慶祝新戲首周已破400萬點擊。電影是李逸朗首次自資、自導、自演：「電影係香港人班底，係全中國第一部上架嘅粵語網絡電影，拍嗰陣唔係最辛苦，最辛苦係發行嘅時候，好多嘢需要解釋，飛去北京解釋咗幾次點解要全部用粵語。」
籌備拍電影時李逸朗被不少人大潑冷水，認為他會蝕盡積蓄，現在可說是爭口氣，他笑說：「自己投資咗七位數棺材本，仲有集資、問朋友借錢，依家400萬點擊大概有一千萬收入，當然係好多股東一齊，但係已經回本。」