王宗堯：回頭草好難食
藝人歐錦棠與王宗堯接受東網電視《娛樂onShow》主持人俞詠文（Angela）訪問，大談合作舞台劇的趣事。適逢此劇是歐錦棠入舞台劇界二十年及王宗堯的處男作，別具意義！歐錦棠自爆在選角時曾一直找不到合適人選，最終選定王宗堯參與。至於講到愛情觀，王宗堯坦言不會食「回頭草」，更直言：「回頭草好難食！」
藝人王宗堯與歐錦棠日前接受東網電視《娛樂onShow》主持人俞詠文訪問，二人將合演舞台劇《科學怪人》，剛好《科》是歐錦棠踏入舞台劇界二十周年，亦是王宗堯首演舞台劇，問到王宗堯壓力會否很大？他笑言：「我覺得唔使畀錢上堂幾開心呀。（冇壓力？）角色本身都有好多壓抑嘅嘢，睇你自己點將個角色慢慢擺入自己度。」而歐錦棠指二人早年在劇集中合作而認識，故能夠促成今次合作，更自爆「科學家」一角找了很久也找不到人選：「科學家呢個角色實不相瞞我搵咗好耐，都搵唔啱人，之後靈機一觸，係佢（王宗堯）啦！」
歐錦棠翻撻太太
《科》劇主旨是「愛」，歐錦棠曾與太太萬斯敏分開再復合，Angela問到現時二人感情如何時，他說：「Re溝（意指翻撻）得好好。（過程辛唔辛苦？）過程好辛苦。（你辛苦定佢辛苦？）我依家對住你梗係話我辛苦，佢（指老婆）對住你都係會講佢辛苦！」至於曾與模特兒黎紀君相戀，現與藝人蔡潔拍拖的王宗堯，則表示絕不會食回頭草：「回頭草好難食對我嚟講，你當初分開得一定有問題，咁個問題係性格、相處定溝通？定係本身個年紀上有問題，之後大家成熟咗有唔同？我依家暫時又睇唔到有咩會唔同，但我覺得有問題，當初先會分開。」想知道二人合作的趣事？想知道更多他們的愛情觀？快啲入東網睇實《娛樂onShow》！
文：專案組
場地：劇道場