莫家淦俄羅斯獵女 蔣家旻矮過初中生

無綫藝人莫家淦（Keith）及蔣家旻（Angel），到訪俄羅斯海參威及伊爾庫次克拍攝旅遊節目《3日2夜》，Keith直言行程最大目的是「搜獵」金髮靚女，他亦屢次集郵成功：「我好受歡迎，個個女仔都讚我年輕，可惜我已有家室，唔能夠深入考察！」節目向來有女藝人騷事業線，但Angel惜肉如金，所以交由Keith負責半裸浸溫泉，他笑說：「我試咗世界四大桑拿之一，Angel用樹葉打到我背脊紅晒，血氣運行後，我就衝落去浸得幾度嘅冷水！」兩人又到模特兒學校上堂學擺甫士，最搞笑是該處的初中女學生都比穿上高跟鞋的Angel更高！